{"id":2532,"date":"2025-10-17T09:18:52","date_gmt":"2025-10-17T06:18:52","guid":{"rendered":"https:\/\/firatn.com\/kur\/?p=2532"},"modified":"2025-10-17T09:18:52","modified_gmt":"2025-10-17T06:18:52","slug":"surya-li-ber-sinore-federalizma-nixumandi-ye","status":"publish","type":"post","link":"https:\/\/firatn.com\/kur\/?p=2532","title":{"rendered":"S\u00fbrya li ber s\u00eenor\u00ea federal\u00eezma nixumand\u00ee ye"},"content":{"rendered":"

Lezg\u00een \u00cebarh\u00eem \u2013 L\u00eakoler li navenda Firat\u00ea ya l\u00eakol\u00eenan<\/strong><\/p>\n

Bi ereb\u00ee<\/a> peyda ye<\/p>\n

Dema ku welatek li ser xa\u00e7er\u00eayek\u00ea be; w\u00ea pirs ji bersivan girantir bin \u00fb \u00e7aren\u00fbs tar\u00ee \u00fb ne diyar be. S\u00fbr\u00eeyaya \u00eero dikeve qonaxeke aloz de ku di nava xwe de x\u00fby\u00ean jin\u00fbve-avakirina dewlet\u00ea vedihew\u00eene. Ne m\u00eena projeyek netewey\u00ee ya berfireh, l\u00ea bel\u00ea bi r\u00eaya projey\u00ean dijber de \u00ean ku erdn\u00eegar\u00ee, nasname \u00fb desthilat\u00ea di nav xwe de vedi\u00e7ir\u00eenin. Li vir, gelo em li p\u00ea\u015fber\u00ee avah\u00eesaziyeke n\u00fb ne ku desthilata navend\u00ee cih bi cih dike, yan j\u00ee jidayikb\u00fbna pergalek federal ku weke nenavendiyeke nixumand\u00ee ye? Em \u00e7awa dikarin r\u00eaya Ehmed El-\u015eeri bixw\u00eenin ku dixwaze di bin desthilatdar\u00eeya xwe ya mutleq de “M\u00eerni\u015f\u00eeneke Sunn\u00ee” ava bike, ew j\u00ee li hember derketina h\u00eaz\u00ean p\u00ea\u015fbaz \u00ean Kurd, Durz\u00ee, Elew\u00ee \u00fb \u00ceslam\u00ee y\u00ean ku jihol\u00earakirin\u00ea red dikin \u00fb alternat\u00eefan p\u00ea\u015finyaz dikin?<\/p>\n

Ji bo bersivdana van pirsan; em \u00ea rew\u015fa hey\u00ee ya S\u00fbryay\u00ea ji n\u00fb ve ji hev\u00fbdin derxin \u00fb veguher\u00een\u00ean navxwey\u00ee, her\u00eam\u00ee \u00fb navnetewey\u00ee l\u00eakol\u00een bikin \u00ean wel\u00eat ber bi “federal\u00eezma ve\u015fart\u00ee” ve dibin ku h\u00eala rast\u00eeyan ve ne ji lihevkirin\u00ea ve t\u00ea ferzkirin, \u00fb gelo ev vebijark d\u00ea ten\u00ea \u00e7areser\u00eeyek bi zor\u00ea bim\u00eene yan j\u00ee bibe \u00e7ar\u00e7oveyek da\u00eem\u00ee ji bo p\u00ea\u015feroja S\u00fbryay\u00ea.<\/p>\n

El-\u015eeri di navbera “fedral\u00eezma ve\u015fart\u00ee” \u00fb “m\u00eerni\u015f\u00eena sunn\u00ee” de<\/strong><\/p>\n

Ji bo ku xwe weke serwerek\u00ee mutleq li S\u00fbryay\u00ea ferz bike, li hember redkirina ji al\u00eey\u00ea civak\u00ean S\u00fbr\u00eey\u00ea ve, Ehmed El-\u015eeri \u00e7end r\u00eabaz bi kar an\u00een. W\u00ee s\u00eeyaseta p\u00eakan\u00eena komkuj\u00ee \u00fb binp\u00eakirinan li dij\u00ee Elew\u00eeyan me\u015fand da ku wan qels \u00fb b\u00eadeng bike. Her wiha hewl da ku heman r\u00eabaz\u00ee bi Durz\u00eeyan re dubare bike, l\u00ea bi destwerdana rasterast a \u00cesra\u00eel\u00ea ji bo parastina Siw\u00eaday\u00ea re r\u00fb bi r\u00fb ma. Li vir r\u00eayeke hevseng derkete hol\u00ea, ku bi lihevkirineke neragihand\u00ee t\u00ea f\u00eamkirin, ew j\u00ee dixuye ku di hevd\u00eetineke di navbera Wez\u00eer\u00ea Kar\u00fbbar\u00ean Stratej\u00eek \u00ea \u00cesra\u00eel\u00ea Ron Dermer \u00fb Wez\u00eer\u00ea Derve y\u00ea S\u00fbr\u00eey\u00ea Esed El-\u015eeyban\u00ee de li Par\u00ees\u00ea, bi heb\u00fbna n\u00fbner\u00ea amer\u00eek\u00ee Tom Barak, zelal b\u00fbye. T\u00ea pay\u00een ku di lihevkirin\u00ea de qeb\u00fblkirina hik\u00fbmeta El-\u015eeri ya xistina ba\u015f\u00fbr\u00ea S\u00fbr\u00eey\u00ea, bi taybet\u00ee Siw\u00eaday\u00ea, di bin wesayeta \u00cesra\u00eel\u00ea de \u00fb b\u00ea\u00e7ekkirina w\u00ea, dihew\u00eene.<\/p>\n

N\u00ee\u015faney\u00ean meydan\u00ee y\u00ean ku pa\u015f\u00ea derketin v\u00ea n\u00ear\u00eena han xurttir dikin: Z\u00eadeb\u00fbna destwerdana \u00cesra\u00eel\u00ea li par\u00eazgeh\u00ean ba\u015f\u00fbr\u00ee, operasyon\u00ean esman\u00ee \u00fb armancgirtina dever\u00ean le\u015fker\u00ee y\u00ean hevalbend\u00ean El-\u015eeri li \u015eam\u00ea, ev hem\u00fb n\u00ee\u015faney\u00eam w\u00ea yek\u00ea ne ku ba\u015f\u00fbr\u00ea S\u00fbryay\u00ea \u00fb bi taybet Siw\u00eada ber bi hukimek\u00ee serbixwe y\u00ea berfireh ve her wek\u00ee s\u00eestemeke fedral ku bi awayek\u00ee sembol\u00eek bi \u015eam\u00ea ve gir\u00eaday\u00ee be di\u00e7e. Li hember v\u00ea yek\u00ea, w\u00ea Til Av\u00eev li gor\u00ee rew\u015fa li ser erd\u00ea hey\u00ee sponsera her\u00eam\u00ee ya v\u00ea devera fedral be \u00fb ev yek d\u00ea guher\u00eeneke stratej\u00eek a k\u00fbr di nex\u015feya h\u00eaz\u00ean serwer li ba\u015f\u00fbr\u00ea S\u00fbryay\u00ea de bi xwe re b\u00eene.<\/p>\n

Her wiha s\u00eeyaseta ko\u00e7berkirina bi dar\u00ea zor\u00ea ya ku niha ji h\u00eala hik\u00fbmeta El-\u015eeri ve t\u00ea me\u015fandin, di heman dem\u00ea de r\u00ea\u00fbresm\u00ean projeya w\u00ee ya ji jin\u00fbved\u00eezay\u00eenkirina demograf\u00eeya wel\u00eat n\u00ee\u015fan dide. Pesendkirina ber\u00ea ya ko\u00e7berkirina “EL-Bed\u00fb” y\u00ean Sunn\u00ee ji Siw\u00eaday\u00ea ber bi hundir\u00ea S\u00fbryay\u00ea ve, \u00ear\u00ee\u015f\u00ean li ser her\u00eama Ceremana \u00fb Sahnaya ku piran\u00eeya wan Durz\u00ee ne ku gelek ji wan ko\u00e7ber kirin \u00fb ko\u00e7berkirina bi dar\u00ea zor\u00ea ya malbat\u00ean Elew\u00ee ji taxa el-Somerya li gundewar\u00ea \u015eam\u00ea \u00fb gund\u00ean Hemay\u00ea di bin nav\u00ea “veberh\u00eanana \u00e7andin\u00eey\u00ea” de, hem\u00ee n\u00ee\u015faney\u00ean hewldanek s\u00eestemat\u00eek \u00ean ji bo jin\u00fbve-x\u00eazkirina nex\u015feya demograf\u00eek in da ku navenda S\u00fbryay\u00ea bibe her\u00eamek bi tevah\u00ee Sunn\u00ee, bingeha “m\u00eerni\u015f\u00eena \u00ceslam\u00ee”. Ev r\u00eakar ne ten\u00ea bersiv\u00ean ewleh\u00eey\u00ea ne; ew n\u00ee\u015fan\u00ean projeyek demdir\u00eaj in da ku cih\u00eareng\u00eeya S\u00fbryay\u00ea ji hol\u00ea rake \u00fb w\u00ea veguher\u00eene desthilatek yekane \u00fb navend\u00ee ku tu hevkaran qeb\u00fbl nake.<\/p>\n

A ku v\u00ea n\u00ear\u00eena han b\u00eahtir n\u00eaz\u00ee rast\u00eey\u00ea dike j\u00ee \u00e7awan\u00eeya dan\u00fbstandina El-\u015eeri bi H\u00eaz\u00ean S\u00fbr\u00eeyaya Demokrat\u00eek QSD \u00fb R\u00eaveber\u00eeya Xweser re ye, ji ber ku tev\u00ee El-\u015eeri r\u00eakeftina 10`\u00ea Adar\u00ea \u00eemze kiriye ku w\u00ea dem\u00ea weke lihevkirineke bi R\u00eaveber\u00eey\u00ea \u00fb QSD`\u00ea re hate d\u00eetin, l\u00ea v\u00ea daw\u00eey\u00ea weke rengek\u00ee dan\u00fbstandin\u00ea ji bo hilwe\u015fandina QSD`\u00ea \u00fb helandina w\u00ea di hik\u00fbmeta n\u00fb de t\u00ea \u015f\u00eerovekirin, ev yek j\u00ee t\u00ea w\u00ea watey\u00ea ku El-\u015eeri dixwaze r\u00eakeftin\u00ea d\u00fbr\u00ee naveroka w\u00ea ya rast bike \u00fb bih\u00eale weke kaxzeka ku v\u00ea h\u00eaza han ji nav bibe li \u015f\u00fbna entegrekirina w\u00ea. Bi v\u00ea yek\u00ea t\u00ea xuyakirin ku El-\u015eeri dixwaze meseley\u00ea tevlihev bike da ku ji her pabend\u00eeyeke be\u015fdarkirina QSD \u00fb R\u00eaveber\u00eeya Xweser di desthilatdar\u00eeya b\u00ea de bireve.<\/p>\n

Ji w\u00ea yek\u00ea z\u00eadetir, El-\u015eeri du caran be\u015fdarb\u00fbna li civ\u00een\u00ean Par\u00ees\u00ea y\u00ean taybet bi dyaloga bi R\u00eaveber\u00eeya Xweser re bi behaneya lidarketina konferansa “Yek\u00eet\u00eeya P\u00eakhateyan” li Hesek\u00ea red kir. L\u00ea ev behaneya han n\u00eeyeteke din li pa\u015f xwe vedi\u015f\u00eare ew j\u00ee d\u00fbrxstina evan al\u00eeyan e. Li nik w\u00ea dide xuyakirin b\u00ea \u00e7iqas\u00ee El-\u015eeri li gor\u00ee ferman \u00fb zext\u00ean Tirk\u00eeyay\u00ea y\u00ean ji bo t\u00eakbirina d\u00eeyaloga Par\u00ees\u00ea tev digere. L\u00ea ya ec\u00eab ew e ku her \u00e7end\u00ee hik\u00fbmeta demk\u00ee, bi serokat\u00eeya El-\u015eeri, qeb\u00fbl nekir ku bi r\u00eaya Par\u00ees\u00ea bi QSD`\u00ea re lihevkirineke navxwey\u00ee bike j\u00ee, l\u00ea tev\u00ee dijber\u00eeya Tirk\u00eeyey\u00ea, ew be\u015fdar\u00ee civ\u00eeneke ji ni\u015fka ve li Par\u00ees\u00ea bi \u00cesra\u00eel\u00eeyan re b\u00fb. Ev dual\u00eeb\u00fbn rast\u00eeya n\u00eaz\u00eekat\u00eeya El-\u015eeri e\u015fkere dike: ew R\u00eaveber\u00eeya Xweser weke be\u015feke yekgirt\u00ee ya her hevk\u00ea\u015feya s\u00eeyas\u00ee ya p\u00ea\u015feroj\u00ea nab\u00eene, berevaj\u00ee v\u00ea, hewl dide heya j\u00ea were gih\u00ee\u015ftina lihevkirinek bi wan re bi pa\u015f bixe da ku desthilatdar\u00eeya xwe li dever\u00ean di bin kontrola xwe de xurt bike \u00fb d\u00fbv re bi avakirina parlementoyeke al\u00eegir re berdewam bike ku d\u00ea projeya “M\u00eerni\u015f\u00eena Sunn\u00ee” ya ku ew li ser\u00ea dixebite, bi cih bike.<\/p>\n

N\u00ee\u015faneyeke din a r\u00eabaza d\u00fbrxistina s\u00eestemat\u00eek a projeya s\u00eeyas\u00ee ya El-\u015eeri j\u00ee ew \u015fert\u00ean ku ji h\u00eala Ehmed El-\u015eeri ve ji bo berbijariya di hilbijartin\u00ean Meclisa Gel a S\u00fbryay\u00ea de hatine ragihandin. Merc\u00ea ku “nabe namzet al\u00eegir\u00ea rej\u00eema ber\u00ea be” ten\u00ea dikare weke mekan\u00eezmayek ji bo d\u00fbrkirina Elew\u00eeyan were f\u00eamkirin, ku r\u00ea li ber wan digire ku bi bandor be\u015fdar\u00ee p\u00eavajoya s\u00eeyas\u00ee ya n\u00fb bibin. Merc\u00ea ku bi redkirina “cudakar\u00eey\u00ea \u00fb al\u00eey\u00ean pi\u015fta xwe bi h\u00eaz\u00ean derv ve xurt dikin” bi e\u015fkere li dij\u00ee Kurd \u00fb Durz\u00eeyan b\u00fb, ku ji destp\u00eak\u00ea de wan al\u00eeyan ji dervey\u00ee prosesa dest\u00fbr\u00ee dih\u00eale.<\/p>\n

Her wiha merc\u00ea “gerek e ne gir\u00eaday\u00ee tu r\u00eaxistin\u00ean teror\u00eest bin” weke am\u00fbreke s\u00eeyas\u00ee t\u00ea d\u00eetin ku ji bo d\u00fbrxistina \u015fep\u00eal\u00ean \u00eeslam\u00ee y\u00ean rikber\u00eey\u00ea bi El-\u015eeri re dikin, hat\u00eeye dan\u00een. Armanca v\u00ee merc\u00ee ne ten\u00ea komik\u00ean di l\u00eesteya terora c\u00eehan\u00ee de ne, l\u00ea bel\u00ea komik\u00ean “\u00cexwan El-Muslim\u00een”, r\u00eaxistina “Huras El-D\u00een”, “Hizib El- Tehr\u00eer \u00fb hem\u00fb \u015fep\u00eal\u00ean ku dikarin bibin zem\u00eeneke civak\u00ee \u00fb s\u00eeyas\u00ee ya alternat\u00eev di nava Sunn\u00eeyan de armanc dike. Bi v\u00ea yek\u00ea, \u00ead\u00ee El-\u015eeri dikare n\u00fbner\u00eeya s\u00eeyas\u00ee \u00fb ol\u00ee di dest\u00ea xwe de bih\u00eale.<\/p>\n

Xuya ye ku ev s\u00eeyaseta han \u00ead\u00ee dikeve biwar\u00ea pirat\u00eek\u00ee de, ku di 22`\u00ea Tebaxa 2025`an de e\u015fkere b\u00fb, dema ku Ehmed Muwaffaq Zeydan -pi\u015ft\u00ee ku weke \u015f\u00eawirmend\u00ea El-\u015eeri hate erikdarkirin- gotarek li ser El Cez\u00eerey\u00ea we\u015fand \u00fb bi e\u015fkerey\u00ee daxwaza hilwe\u015fandina “\u00cexwan El-Misilm\u00een” li S\u00fbryay\u00ea kir, \u00fb ew wek\u00ee “t\u00eak\u00e7\u00fby\u00ee” \u00fb “nikarin bi guhertinan re gavan bav\u00eajin” bi nav kir. Ev helwest nabe wek\u00ee hewldanek takekes\u00ee were xwendin; berevaj\u00ee v\u00ea, ew arasteyek s\u00eeyas\u00ee n\u00ee\u015fan dide ku armanca w\u00ea her r\u00eaxistinek \u00ceslam\u00ee ya xwed\u00ee bingehek populer a ku dikare bi projeya El-\u015eeri re p\u00ea\u015fbaz\u00eey\u00ea bike qels bike \u00fb hilwe\u015f\u00eene ye. Bi v\u00ee reng\u00ee, xuya dike ku plana El-\u015eeri ya li S\u00fbryay\u00ea ne ten\u00ea armanc dike ku p\u00eakhatey\u00ean din \u00ean etn\u00eek\u00ee \u00fb mezheb\u00ee pa\u015fguh bike, l\u00ea di heman dem\u00ea de dixwaze qada Sunn\u00ee bi xwe ji n\u00fb ve reform bike, w\u00ea k\u00eam bike \u00fb desthilateke navend\u00ee ya mutleq ku li j\u00ear kontrola w\u00ee be, ava bike.<\/p>\n

Bi r\u00eaya van mercan \u00ead\u00ee El-\u015eeri ji xwe re misoger dike ku parlementoya b\u00ea w\u00ea ten\u00ea meclisek\u00ee \u015fekil\u00ee be \u00fb hem\u00fb endam\u00ean w\u00ea al\u00eegri\u00ean w\u00ee bin. Kom\u00eeteya Hilbijartinan a s\u00fbr\u00ee j\u00ee ev yek ji televzyona “El-Hedes” re pi\u015ft rast kir dema ku got “w\u00ea dest\u00fbr maf bide serok da ku n\u00fbner\u00ean par\u00eazgeh\u00ean weke Hesek\u00ea, Reqa \u00fb Siw\u00eada destn\u00ee\u015fan bike \u00fb ew bixwe bibij\u00eare heta ku derfet\u00ean evan par\u00eazgehan werin guncawkirin”. Bi gotineke din; ev par\u00eazgeh\u00ean ji prosesa hilbijartinan hatine bid\u00fbrxistin, \u00fb n\u00fbnerine al\u00eegir\u00ean El-\u015eeri haitne bicihkirin, t\u00ea wateya heb\u00fbna xwesteka valakirina saz\u00eey\u00ean dest\u00fbr\u00ee ji naverok \u00fb wateya xwe da ku bibin am\u00fbr\u00ean rewakirina projeya “m\u00eerni\u015f\u00eena Sunn\u00ee” li ser hisab\u00ea n\u00fbnert\u00eeyeke ni\u015ftiman\u00ee ya kom\u00ee.<\/p>\n

S\u00eeyaset\u00ean Ehmed El-\u015eeri li hember p\u00eakhate \u00fb gr\u00fbp\u00ean din \u00ean opizisyon\u00ea didin xuyakirin ku ew dixwaze forma serwer\u00eeya li Idlib\u00ea careke din n\u00fb bike \u00fb veger\u00eene, ku li Idlib\u00ea b\u00eay\u00ee ti \u00e7avd\u00ear\u00ee \u00fb hevbe\u015f\u00eey\u00ea hukim\u00ea xwe dime\u015fand. Pi\u015ft\u00ee ku nikar\u00eeb\u00fb Siw\u00eada \u00fb ba\u015f\u00fbr\u00ea S\u00fbryay\u00ea bike bin dest\u00ea xwe de, ew j\u00ee ji ber hevseng\u00eey\u00ean navxwey\u00ee \u00fb pi\u015ftgir\u00eeya dervey\u00ee bo van her\u00eaman, \u00fb ji ber ku dizan\u00ee d\u00ea l\u00ea\u00e7\u00fbna vekirina an\u00eeyek\u00ee \u015fer bi QSD`\u00ea re d\u00ea \u00e7iqas\u00ee j\u00ea re giran were ew j\u00ee ji ber hejmara \u015fervan\u00ean QSD`\u00ea ya z\u00eade, bir\u00eak\u00fbp\u00eak\u00eeya avan\u00eeya w\u00ea \u00fb pi\u015ftgir\u00eeya berdewam a amer\u00eek\u00ee j\u00ea re li rojhilat\u00ea Firat\u00ea, \u00ead\u00ee El-\u015eeri b\u00eahtir ber bi takt\u00eekeke cuda ve di\u00e7e ew j\u00ee pa\u015fguhkirina van her\u00eam\u00ean han \u00fb r\u00eavekirina li p\u00ea\u015f\u00eeya wan da ku s\u00eestemeke ne-navend\u00ee li xwe bigirin, lewra dem bi dem x\u00eetabek\u00ee s\u00eeyas\u00ee li j\u00ear sernav\u00ean weke “Bir\u00eaveber\u00eey\u00ean xwecih\u00ee” yan “Ne-navend\u00eeb\u00fbn” bi kar t\u00eene da ku be\u015f\u00ean din y\u00ean civaka s\u00fbr\u00ee y\u00ean li dij\u00ee fedral\u00eey\u00ea aciz neke \u00fb v\u00ea mijara hesas ji wan re neke rojev.<\/p>\n

Ev r\u00eabaz nay\u00ea wateya ku El-\u015eeri bi dilxwaz\u00ee \u200b\u200br\u00eakeftineke biparvekirina desthilat\u00ea ya federal qeb\u00fbl dike. Berevaj\u00ee w\u00ea, xwesteka w\u00ee n\u00ee\u015fan dide ku xwe ji bar\u00ea tevl\u00eakirina al\u00eey\u00ean din di p\u00eavajoya r\u00eaveber\u00ee \u00fb biryardan\u00ea de di nav m\u00eerni\u015f\u00een\u00eeya w\u00ee ya Sunn\u00ee de rizgar bike. Di v\u00ea \u00e7ar\u00e7ovey\u00ea de, daxuyan\u00eeyek ji h\u00eala El-\u015eeri ve di 19\u00ea Tebaxa 2025`an de di rojnameya Kuweyt\u00ee “Al-Nahar” de hatiye we\u015fandin, El-\u015eeri t\u00ea de got: “Hem\u00fb \u00e7areser\u00ee dikarin bi Kurdan \u00fb gel\u00ea Sw\u00eaday\u00ea re werin n\u00eeqa\u015fkirin, ji bil\u00ee cudaxwaz\u00ee”. Ev daxuyan\u00ee bi awayek\u00ee teor\u00eek der\u00eey\u00ea n\u00eeqa\u015fkirina hem\u00ee \u015f\u00eawey\u00ean r\u00eaveber\u00eeya ne-navend\u00ee vedike \u00fb her neraz\u00eeb\u00fbna prens\u00eeb\u00ee ya li dij\u00ee federal\u00eezm\u00ea red dike, heya ku ew wek\u00ee dabe\u015fkirina dewlet\u00ea ney\u00ea p\u00eanasekirin.<\/p>\n

Ev formulasyon xuya dike ku bi daxwaz\u00ean aktor\u00ean her\u00eam\u00ee re lihevhat\u00ee ye: Kurd \u00fb R\u00eaveber\u00eeya Xweser redkirina xwe ya dabe\u015fkirin\u00ea \u00fb tekez\u00eeya xwe li ser yek\u00eet\u00eeya S\u00fbr\u00eey\u00ea dubare dikin, di heman dem\u00ea de li ser pergaleke nenavend\u00ee bi h\u00eaz\u00ean berfireh ku xweser\u00eeya bi bandor ji wan re garant\u00ee dike israr dikin. Di der bar\u00ea Durzuyan de, ku v\u00ea daw\u00eey\u00ea s\u00eenor\u00ea daxwaz\u00ean xwe bilind kirine da ku serxweb\u00fbn \u00fb maf\u00ea d\u00eeyarkirina \u00e7aren\u00fbs\u00ea j\u00ee di nav xwe de bigirin, xuya ye ku her modelek federal an nenavend\u00ee dikare bibe r\u00eayek prat\u00eek\u00ee ji bo r\u00eagirtina li ber rage\u015f\u00eey\u00ea \u00fb d\u00fbrketina ji senaryoyek cudab\u00fbna gi\u015ft\u00ee.<\/p>\n

Ge\u015fedan\u00ean navxwey\u00ee p\u00eavajoya federal\u00eezm\u00ea xurt dikin<\/strong><\/p>\n

Ji ber r\u00eazep\u00ea\u015fketin\u00ean navxwey\u00ee \u00fb dervey\u00ee, xuya ye ku \u00e7ember li dora hik\u00fbmeta demk\u00ee teng dibe, ku ne ten\u00ea rewat\u00eeya w\u00ea qels kiriye, l\u00ea di heman dem\u00ea de lawaz\u00eeya \u00eediaya w\u00ea ya ku n\u00fbner\u00ea yekane y\u00ea gel\u00ea S\u00fbryay\u00ea ye j\u00ee e\u015fkere kiriye. Rew\u015fa S\u00fbryay\u00ea niha ber bi veguher\u00een\u00ean berbi\u00e7av ve di\u00e7e, ku h\u00eaz \u00fb p\u00eakhatey\u00ean sereke ji bo yekkirina r\u00eaz\u00ean xwe \u00fb xurtkirina heb\u00fbna xwe ya s\u00eeyas\u00ee \u00fb le\u015fker\u00ee dixebitin. Di nav veguher\u00een\u00ean s\u00eeyas\u00ee, le\u015fker\u00ee \u00fb civak\u00ee y\u00ean her\u00ee berbi\u00e7av \u00ean v\u00ea daw\u00eey\u00ea y\u00ean li S\u00fbryay\u00ea de ev in:<\/p>\n